Infantil "Quero ser maior!" - Cartaz e fotos da estrea.

Saúde e Teatro para todoas!!!

Aquí vos deixamos o cartaz e fotos da estrea da obra no auditorio de Mera en Oleiros.

Fantástica acollida de público e crítica.

En breve, estaremos en Cedeira... o 6 de maio!!!

Quero ser maior! Comedia para toda a familia (a partires de 6 anos)

A nosa nova obra estrearase moi pronto, o día 8 de outubro, no Auditorio Gabriel García Márquez de Mera, Oleiros; ás 18 hrs. Entrada de balde previa recollida de invitacións na taquilla do teatro desde unha hora antes.

A nosa primeira obra infantil, para toda a familia, é unha reflexión sobre a pérdida de valores ao longo do crecemento e maduración. De cómo non debemos esquecer aoa nenoa que fomos e que debemos seguir levando dentro aínda que medremos. Tocamos temas como o acoso e o abuso, o perigo das novas tecnoloxías mal usadas e a intolerancia das normas sen reflexión e sentido común. Todo, por suposto, aderezado có amor. O amor da amizade limpa e sincera entre dos seres sinxelos e puros: Hédor e Gaia.

Con moito humor, guiños aos pais e nais e cancións en directo, estamos seguroas de que gustará. Animádevos!

Bicos e apertas. Saúde e Teatro!

Elenco: Nanda Tasende. Kike Vales. Sara Pascale. Lucía Veiga. O'Ale.
Cancións orixinais de Kike Vales.
Escenografía: Ubuntu Refugallos. (Luiggi e Iria)
Vestiario: Auri Vez.
Son e arranxos musicais: Iago Blanco e Miguel Thomas.
Estudio de son: Drum&Roll Studio.
Vídeo e fotografías (pendente): Lara Capeáns.
Técnico de son e luces: Luis Vivanco.
Produción e distribución: Paula Suárez.
Escrita e dirección: Alejandro Albaiceta.

Nova etapa das "Rueiras"

Abríuse unha nova etapa para as chicas de "A rúa do inferno". Tras catro anos, seguimos na rúa, renovadas e remozadas con novos traxes de faralaes traídos da capital, dos madriles, pola nosa nova "Juani", Sara Pascale. Nesta nova andadura, xa estivemos por Brión, Outes e O'Sindo (Ferrol) e agárdanos o Ágora de A Coruña o vindeiro 28 de maio. A actuación será en apoio da asociación Asperga para o soporte de chicos e chicas con síndrome de ásperger. 

ESTREA en RIANXO...!!!

Satisfeito e ilusionado.

Así é como me sinto despois da "estrea mundial" do espectáculo "Chou mas gou on!", onte día 31 de outubro, en Rianxo. (Case dous anos despois da última actuación de "O Parque" o 30 de novembro de 2013).

O espazo é magnífico, ao igual que o trato por parte de Xavi, o técnico, e dos responsabeis do concello, Fernando, Pipo e maila mesma concelleira que nos viu ver e felicitar. Camerinos con pranchas, baños totalmente equipados... da gusto ir actuar alí. E o espazo escénico mais o patio de butacas forman un todo moi cálido e cercano. A acústica é boa e os medios técnicos: focos, mesa de luces e reprodutores de son, estupendos.
115 persoas compuxeron o Respectable Público. Só 10, eran familiares e amigos.

Riron, aplaudiron no medio da obra ao remate dos números musicais e os intérpretes tiveron que saír dúas veces máis para recibir os aplausos que non cesaban. Fernando, díxonos que adoita ser un público "duro" e que máis de cen persoas é unha boa entrada para eses lares. Seguramente, o marabilloso cartaz de Quique Vázquez, con foto de Lara Capeáns, axudou moito á chamada. Sinceramente creo que se ves o cartaz, pensas que a obra pode pagar a pena.

Tamén supoñía a estrea de Sara Pascale coma técnico, neste caso de son. Fíxoo moi ben. Minuciosa, traballadora, xenerosa e entregada. Sempre disposta a botar unha man no que sexa. Parte de que teñamos a escenografía que temos, é pola a súa axuda e aportación no ensaio xeral. Graciñas, Sara. Esperamos poder ver, tamén pronto, a túa estrea coma actriz, interpretando a "Juani" na obra "A rúa do inferno".

Non quero mencionar a ninguén en concreto do elenco, por non facer distincións inxustas. É un magnífico grupo con 5 mulleres e 2 homes de moito carácter e talento. Todas/os aportan algo específico e relevante á compañía. O ambiente é inmellorable e a súa entrega ao proxecto, a súa confianza en min coma director e o seu apoio, fanme sentir en débeda e na obriga de non fallarlles e, sobre todo, non deixalos vendidos no escenario. E por enriba... resulta que todas/os cantan ben... Emoticono wink

É unha honra e un orgullo poñer o meu nome na sinatura de este proxecto cultural, artístico e vital que é Axóuxere Teatro, de Oleiros.

Saúde e Teatro!

Alejandro Albaiceta

O maletín de Vivi...

Xa está aquí...

Xa chegou...

Despois dun tempo de reflexión e crise...

Nada pode evitar que...

Espectáculo para 2015. Data de estrea: 31 de outubro. Lugar: Rianxo.

O'Parque en Cedeira

A estrea da nova versión do musical "O'Parque" tivo lugar no auditorio de Cedeira o pasado 30 de novembro.
De novo contamos coa axuda e a amabilidade de Quique Vázquez.

NOVEMBRO AXOUXERIANO

NOVEMBRO

AXÓUXERE

Este mes de novembro, Axóuxere tivo moita actividade nos escenarios de Galiza adiante.
As rapazas de "A rúa do inferno " estiveron en Ourense, primeiro o domingo 3, ás 19 hrs, en O Carballiño, dentro do V Encontro de Teatro Terras do Orcellón, organizado polo grupo de teatro Tiruleque. Á actuación no auditorio foi presenciada por 137 espectadores.

O venres día 8, levamos "A rúa..." a O Barco, tamén en Ourense, invitados polo grupo "Gargallada Teatro". A recepción e o trato posterior á representación foi delicioso. Gabriel, Manuel, Carlos e o resto dos compoñentes do grupo fixeron que a nosa estancia fose do máis pracentera. A representación tivo lugar no teatro Lauro Olmo ante uns 90 espectadores. 

O pasado domingo 17, Axóuxere estivo representada pola obra "A túá tenrura, Molotov" no ciclo ferrolán Domingos a escena. Coma sempre, o patio de butacas estivo prácticamente cheo... e tivemos a oportunidade de reencontrarnos co noso gran amigo e deseñador das iluminacións tanto de Vodas de Sangue, coma destes dous espectáculos, Antón Arias, agora Director Técnico do Teatro Jofre de Ferrol. 
Destacar que, nesta ocasión, Nanda Tasende actuou tan ben coma sempre, a pesares de estar con 39 de febre. Paradóxicamente, isto amosa a grande profesionalidade desta actriz de Teatro Amador. 

E o vindeiro día 30... estrearemos a nova versión do musical "O Parque" no auditorio de Cedeira. 

Xa vos contaremos que tal... 
Saúde e Teatro!

Hipócrita Teatro sustitúe a Rueiros...

Por un problema de saúde (non grave, afortunadamente) dun dos membros da compañía Rueiros, esta tivo que ser sustituída. E para iso contamos coa compañía lucense Hipócrita Teatro.

Anfitrións do "Móvete" da Federación Galega de Teatro Amador

O FEGATEA MÓVETE é un circuito de teatro afeccionado da Federación Galega de Teatro Afeccionado que se celebra desde o ano 2006  e ten por obxetivo estimular a representación teatral dos grupos da FEDERACIÓN. A súa marca de identificación é a capacidade de " moverse” adaptándose a diferentes propostas do órgano regulador e a actualidade social e cultural cada ano ( Ano internacional do teatro, da muller, etc.). Este certame celébrase nas catro provincias nas mesmas datas dándolle unha cobertura a nivel autonómico. Os grupos participantes non poderán actuar na súa propia localidade fomentando así o intercambio teatral.

ORGANIZACIÓN E XESTIÓN

Para participar neste certame a FEGATEA ponse en contacto cos grupos de teatro federados, establecendo en localidades diferentes un Móvete, os grupos fan unha inscripción segundo as bases establecidas para participar nos certámenes programados nestas sedes. 

MEDIOS DE COMUNICACIÓN

Por unha banda a FEGATEA presenta a programación a nivel xeral e en cada localidade a través dos medios dispoñibles, radio e prensa para darlle a cobertura necesaria; o blog, faceboock e a revista faranse eco de todo o acontecido arredor da celebración das programacións.

ACTOS ARREDOR DE ROBERTO VIDAL BOLAÑO

 Este ano o FEGATEA MÓVETE, estará adicado a figura de Roberto Vidal Bolaño.Os grupos receptores dos Móvete poderán facer actos especiais arredor da figura deste dramaturgo galego; ben coa lectura do manifesto que laborou a FEGATEA, e que aparece nos propios carteis;ben con outros actos que lles parece máis axeitado nas súas localidades. Todo os actos desenvolvidos por cada sede recolleránse nunha memoria conxunta así como datos técnicos( asistencia de público,número de compañías, actores, etc. etc)

AXÓUXERE EN XIRA...

Estas son as tres obras que temos actualmente en xira...

Próximamente "A Rúa..." en Carballiño.
"Molotov" en Caranza
E "O parque..." en San Andrés de Comesaña e Lugo.

PROGRAMA CERTAME DE TEATRO CÓMICO VILA DE SARRIA

Estrea de O'Parque no Auditorio de Mera.

O pasado sábado día 6 estreamos, por fin a nova comedia (musical). O resultado foi óptimo e a acollida do público calurosa (nunca mellor dito). Agradecer especialmente a LUIS VIVANCO a súa axuda coa iluminación, a FRAN FERNÁNDEZ o mesmo aos mandos técnicos do son... e sobre todo a IAGO BLANCO de DRStudios a súa pericia na colocación e axuste da microfonía que fixo que as voces luciran con moita naturalidade.

O'Parque...

"O Parque..." quentou motores e tivo a súa primeira toma de contacto có público no certame de Teatro Candilejas Don Bosco organizado pola Deputación de A Coruña e o colexio Calvo Sotelo. Sendo o seu verdadeiro "pai" o prezado Francisco Cousido sen quen non existiría. A verdade é que estamos contentos da acollida e o resultado. Graciñas a Luis Vivanco que fixo un traballo excelente (en tempo récord) coa iluminación e a Fran Fernández quen sempre está ahí aos mandos técnicos do son e para amañar calquera cousa que poda ser necesaria. Grazas a "Drum&Roll Studio", Iago Blanco e Miguel Thomas, pola súa música. 

O vindeiro 6 de xullo... vémonos no Auditorio de Mera!!!

Arranxos musicais "O Parque..." Iago Blanco e Miguel Thomas. -Drum&Roll Studios - A Coruña.-

Iago Blanco traballando nos arranxos musicais dos temas da comedia "Asasinato no Parque de Atracción".
Estrea: 6 de xullo de 2013. AUDITORIO de MERA.    21 hrs.
Entrada de balde ata compretar aforo.

Certame de Teatro Amador de SADA. Premios Lugrís Freire. Obra: "A rúa do inferno" Premio do Público e Premio Millor Actriz (Paula Suárez)